காதலன் பாரதி - 1

கண்ணம்மா- என் காதலி 1

காட்சி வியப்பு

1. சுட்டும்வழிச் சுடர் தான்,- கண்ணம்மா

சூரிய சந்திரரோ?

வட்டக் கருவிழி,- கண்ணம்மா

வானக் கருமைகொல்லோ?

பட்டுக் கருநீலப்- புடவை

பதித்த நல்வயிரம்

நட்ட நடுநிசியில்-தெரியும்

நக்ஷத்தி ரங்களடீ !

2. சோலைமல ரொளியோ -உனது

சுந்திரப் புன்னகைதான் ?

நீலக்கட வலையே - உனது

நெஞ்சி லலைகளடீ !

கோலக்குயி லோசை - உனது

குரலி னிமையடீ !

வாலைக் குமரியடீ,- கண்ணம்மா

மருவக் காதல்கொண்டேன்.

3. சாத்திரம் பேசுகிறாய்,- கண்ணம்மா

சாத்திர மேதுக்கடீ?

ஆத்திரங் கொண்டவர்க்கே,- கண்ணம்மா

சாத்திர முண்டோடீ?

மூத்தவர் சம்மதியில் - வதுவை

முறைகள் பின்புசெய்வோம்;

காத்திருப் பேனோடீ?- இது பார்,

கன்னத்து முத்தமொன்று !

உரை

கண்ணம்மா- பாரதியின் காதலி.

-சூரியனோ சந்திரனோ என்று சந்தேக படும் அளவுக்கு அவள் கண்கள் பளிச்சென்று இருந்ததாம்.

-அவளது கரு விழிகள் வானின் கருமையை போல இருந்ததாம்.

-அவள் உடுத்தியிருக்கும் வெள்ளை பதித்த கருநீல புடவை நாடு இரவில் வானில் தோன்றும் நக்ஷத்திரங்களை போல இருந்ததாம்.

-அவள் சிரிக்கையில் மலர் தோட்டத்தில் இருக்கும் மலர்கள் மலர்வது போல் மென்மையானதாம். (

-அவளின் எண்ணங்கள் நீலக்கடலின் அலைகளை போன்றதாம்.

-அவளது குரல் குயிலின் குரலை போன்ற இனிமையாம்.

-இளம் குமரியின் மீது மயக்கம் கொண்டு தீரா காதல் கொண்டாராம்.

-இதெல்லாம் பேசும் பொது அவள் சாத்திரம் பேசுகிறாள் திருமணம் இல்லமால் இப்படி பேசலாமா என்பது போல, அதற்கு அவர் கூறுவது சாத்திரங்கள் நம்மை போன்ற காதலர்களுக்கு எதற்கடி

-பெரியவர்கள் சம்மதத்தில் திருமணம் பின்னர் செய்து கொள்ளலாம், -அதுவரையில் எப்படி காத்திருக்க முடியுமடீ கண்ணம்மா, என்று கூறி கன்னத்தில் ஒரு முத்தமிட்டார் காதலன் பாரதி.

1. வாலைக் குமரி- வயதுக்கு வராத இளம் பெண்

2. வதுவை முறைகள்- திருமணம்

எப்படி பட்ட காதலன் பாரதி ??

உங்கள் கருத்துக்களை பதிவிடுங்கள்.